Contacto Mapa Web
Iniciar sesión Registrarse
Español Valencià Català Gallego Euskera English
Franquicias. Informacion de franquicias. Busca tu franquicia.
Texto a buscar:
Buscar en:
Publicidad

Festas da Ascensión 2018

Iván Ferreiro, Orquestrada, Delaporte ou Los Pekenikes son algunhas das principais ofertas que inclúe o programa das festas da Ascensión 2018, os festexos máis 'picheleiros' que se celebrarán do 9 ao 13 de maio.
IVáN FERREIRO
Aumentar texto
Disminuir texto
lunes, 30 de abril de 2018

Iván Ferreiro, Orquestrada, Delaporte ou Los Pekenikes son algunhas das principais ofertas que inclúe o programa das festas da Ascensión 2018, os festexos máis 'picheleiros' que se celebrarán do 9 ao 13 de maio na capital galega.


As Festas da Ascensión 2018 arrincarán o mércores 9 de maio ás 12:00 horas coas tradicionais bombas de palenque e as comparsas de cabezudos. Un dos escenarios centrais será de novo a praza da Quintana, que acollerá numerosos concertos de balde para facer participar da festa a todas as veciñas e veciños de Compostela. O primeiro deles, o propio mércores ás 21:30 horas, reunirá a electrónica exquisita de Delaporte e a poética musical de Iván Ferreiro no escenario de Los40Stage. O concerto será presentado por Arturo Paniagua e contará tamén co DJ Óscar Martínez.

O xoves 10 será quenda para a combinación da vangarda e o fado punk de Orquestrada, que nos visitan dende a outra beira do Miño, e do folk indie dos Caxade. Xa o venres, 11 de maio, o programa inclúe un concerto especial para conmemorar os 170 anos da Banda Municipal de Música de Santiago. A formación dirixida por Casiano Mouriño e a Real Filharmonía de Galicia, baixo a batuta de Maximino Zumalave, xúntanse para interpretar un programa que mestura pezas de H. Berliok, A. Márquez, R. Soutullo, e I. Chaikovsky, e inclúe a estrea mundial de What do you think about the dropping of atomic bombs in Hiroshima & Nagasaki?, do compositor galego Antón Alcalde. Para asistir a este concerto será preciso retirar convite no Teatro Principal. Estarán dispoñibles no despacho de billetes a partir do 4 de maio en horario de 18:00 a 21:00 horas.

Finalmente, o sábado día 12, a mítica banda Los Pekenikes e o surf instrumental de Santos Morcegos poñerán o peche aos concertos neste escenario central.

Música galega contemporánea e tradicional
Canda a da Quintana, outro dos espazos protagonistas será a praza do Toural, que acollerá as propostas da contorna musical galega que se agrupan no colectivo Compostela é! Música. Por alí pasarán o pop dos Chupadeskay (o mércores 9), o blues de Susana Martínez (o xoves 10 ) que estará a presentar o seu novo disco Let’s make a change, os son de Novo Flamenco (o venres 11), o pop dos Néboa (o sábado 12) e as cancións de autora de A Banda da Loba (o domingo 13). Todos eles de balde, e todos ás once da noite, agás o do domingo que se adianta ás oito.

Tamén serán bandas galegas as protagonistas das sesións vermú na praza de Cervantes, que recibirá os sons xamaicanos dos Cachas & Cousins o xoves ás 13:00 h, e a verbena con autotune de Esteban e Manuel, o venres ás 12:30 h.

No día grande da Ascensión, a música tradicional de Folk na Rúa encherá as rúas da zona vella compostelá. Ese xoves 10, a partir das 18:00 h, Brincadeira, Cantigas e Agarimos, Colexiata do Sar e Ultreia levarán os seus sons ás prazas de Praterías, Toural, Cervantes e Obradorio, para concluír o percorrido musical nunha actuación conxunta ás 20:00 horas na praza de Acibechería.

Tamén se mantén a cita tradicional coas Corais na Rúa, que o sábado a partir das 17:00 h reunirá a Amigos de Compostela e Pontemantible en Cervantes, Xuntanza e Coto da Nai, na Quintana, e Xúbilo, Santa Susana e Irmán Gómez, en Praterías.

Concurso cabalar e Festa dos Maiores en Amio
O xoves pola mañá, o Mercado Nacional de Gando de Amio acollerá o Concurso Cabalar Ascensión 2018, unha das citas máis populares destas festas. Ás 9:30 horas ábrense as inscricións para participar nos concursos morfolóxicos puntuables para a Copa Galicia de Pura Raza Galega 2018 e nos concursos de cabalos e eguas cruzados, ponis e percheróns. Ao longo da xornada haberá tamén exhibicións de andadura tradicional galega e espectáculos de doma. Ás 13:00 h terá lugar a entrega de premios ás ganderías gañadoras e do Gran Premio Dragóns de Santiago, Trofeo Institucional do Concello de Santiago de Compostela, que recaerá na egua ou cabalo de Pura Raza Galega que obteña maior puntuación nos concursos morfolóxicos da Feira Cabalar da Ascensión.

O sábado 12, o recinto feiral acollerá a partir das 14:00 horas a XXI Festa dos Maiores, con xantar e actuación musical de Alma Latina. As entradas poderanse adquirir a un prezo de 7,50 euros do 2 ao 11 de maio no despacho de billetes do Teatro Principal, en horario de 11:00 a 14:00 horas.

Microteatro e concertos para familias no Principal
A programación das festas garda un lugar especial para a programación infantil e familiar na fin de semana. O sábado e domingo poderemos asistir a un feixe de peciñas de microteatro con Marta Ortiz, Avelino González, Fátima Villamel, Pablísimo, Elefante Elegante, Martín Camiña, Vero Rilo, Anxo García, Larraitz Urruzola, Ana Carreira, Ghazafelhos e Charo Pita. Haberá tamén concertos de Trotaventos, Oviravai e Gatuxo. A entrada para todos os espectáculos será libre até esgotar o aforo. Para asistir ás pezas de microteatro é imprescindible retirar entradas no Principal a partir do 4 de maio en horario de tarde.

Outras citas
O programa de festas complétase cos actuacións das orquestras na Alameda, o XLII Torneo da Chave das Festas da Ascensión (o sábado ás 17:00 h, na Alameda), o concerto do V Ciclo de Música de Cámara nas Cidades Patrimonio da Humanidade (o sábado ás 20:00 h en San Martiño Pinario) e o concerto da Banda Municipal de Música de Santiago de Compostela (o domingo 13, ás 12:00 h na rúa do Vilar).
 
0 comentario/s
Inserta un comentario
Festas da Ascensión 2018
Nombre  o identifícate
Correo electrónico:
Comentario:
Introduzca código: Capcha
NORMAS DE PARTICIPACIÓN
  • Las opiniones pertenecen única y exclusivamente a los usuarios y no a PORTALDETUCIUDAD.com
  • PORTALDETUCIUDAD.com no se hace responsable de los comentarios que aquí se escriban.
  • PORTALDETUCIUDAD.com se reserva el derecho de eliminar cualquier comentario que esté fuera de lugar.
  • No está permitido escribir comentarios fuera de la legislación vigente española, ni escribir injurias que atenten contra el honor de las personas.
  • También podrá deshabilitar la introducción de mensajes para preservar la imagen y el honor de las personas.
Portaldetuciudad SL, con cif B10448579 y dirección postal Calle Gredos 24 de Cáceres, teléfono 927233244 y email info@portaldetuciudad.com, como responsable del tratamiento de los datos recogidos en este formulario, trata la información que nos facilita con el fin de enviarle información relacionada con productos y servicios por cualquier medio (postal, email o teléfono) e invitarle a eventos organizados por la empresa. La legitimación se realiza a través del consentimiento del interesado. Los datos proporcionados se conservarán mientras no solicite el cese de la actividad.Los datos no se cederán a terceros salvo en los casos en que exista una obligación legal. Usted tiene derecho a obtener confirmación sobre si en Portaldetuciudad SL estamos tratando sus datos personales por tanto, tiene derecho a acceder a sus datos personales, rectificar los datos inexactos o solicitar su supresión cuando los datos ya no sean necesarios para los fines que fueron recogidos. Más información en nuestra política de privacidad.
Cartelera - Cine
El Tiempo
Loterías - Sorteos
Callejero
El tráfico - DGT
empresas
RSS Noticias
Colaboran:
PORTALES DE LA RED PORTALDETUCIUDAD.com
® Todos los derechos reservados - Guía de ocio, empresas, turismo y servicios de tu ciudad.
Web optimizada para una resolución mínima de 1024px y navegadores IE 7.0 y Mozilla 3.0 o superiores.