Contacto Mapa Web
Iniciar sesión Registrarse
Español Valencià Català Gallego Euskera English
Franquicias. Informacion de franquicias. Busca tu franquicia.
Texto a buscar:
Buscar en:
Publicidad

Oito horas de espectáculo, xogos e obradoiros na 'Cidade Imaxinaria'

Será o vindeiro 19 de agosto na Cidade da Cultura
OITO HORAS DE ESPECTáCULO, XOGOS E OBRADOIROS NA 'CIDADE IMAXINARIA'
Aumentar texto
Disminuir texto
lunes, 14 de agosto de 2017

A Xunta convida as familias a gozar da Cidade Imaxinaria. Nesta sétima edición engalana as súas oito horas de espectáculos, xogos e obradoiros coa estética retrofuturista do steampunkpara facerlles sentir a grandes e a pequenos protagonistas das historias


Unha batucada steampunk será encargada de poñerlle banda sonora a este universo retrofuturista, recreado a través de espectáculos e artefactos itinerantes xigantes, entre os que se atoparán unha balea, un rodafonio e velocípedos que levarán risas, música, diversión e maxia a cada recuncho da Cidade da Cultura, desde a praza Central ata as zonas verdes e de descanso: Bosque de Galicia, o Xardín Literario e o parque do Lago.

Luces, cores e sorprendentes burbullas xigantes encherán o ceo do complexo do Gaiás para recrear un espazo e tempo de fantasía propio do steampunk, ao que contribuirán espectáculos como Non molestar. Nesta proposta escénica reproducirase un día de traballo nunha fábrica de principios do século XX con catro personaxes singulares, levados ao límite do risco, do absurdo e sobre todo, da tenrura, con diversión garantida para todos os públicos.

Nesta viaxe polo tempo non faltarán, un ano máis, equilibristas, malabaristas e trapecistas que convidarán a vivir en primeira persoa a pura esencia do circo con obradoiros programados ao longo de todo o día, nos que dar os primeiros pasos para ser futuros profesionais de calquera destas disciplinas.

Precisamente, este universo circense está presente no espectacular Máis alto aínda da compañía Desastronauts, que a través dun abraiante número con trapecio de balanceo, cordas áreas e hula-hoop representará a historia dunha nena forte e valente.

En Cidade Imaxinaria a música ten sempre un papel protagonista e nesta edición retrofuturista aínda máis con dúas actuacións importantes no escenario principal. A primeira, con dous pases ao longo de toda a xornada, será a do Musicoloco. Trátase dun número de malabares con batería, da que saen composicións fantásticas grazas a abraiante destreza circense do artista, da que dá boa conta o feito de que un vídeo deste espectáculo superase nas redes os 13 millóns de visitas en apenas uns días.

A segunda gran actuación musical será a de fin de festa da batucada steampunk. Os ritmos potentes, festeiros e contaxiosos do membros desta formación darán por rematada, ás 20.30 horas, esta xornada de espectáculos, xogos e obradoiros, que bota a andar ás once e media da mañá.

Circuíto e Parada en boxes
Mais antes de que Cidade Imaxinaria peche as súas portas ata o verán que vén, queda polo medio un amplo programa de xogos e obradoiros cos que aprender, pero sobre todo divertirse. Así, esta urbe fantasiosa e retrofuturista contará ao longo de todo o día cun circuíto de xirociclos e monociclos, cos que pilotar divertidas carreiras.
Outra das novidades desta edición é o espazo Parada en boxes, onde nenas e nenos porán a proba a súa habilidade e destreza para cambiarlles, no menos tempo posible, as rodas a un coche con estética retrofuturista, como non podía ser doutro xeito nesta Cidade Imaxinaria steampunk.

Cidade Imaxinaria e tamén descubrir e experimentar. E iso é o que se procura no obradoiro Os amigos de Crusó. Grandes e pequenos gozarán en familia de xogos autómatas de gran formato: un paxaro que bate as ás por riba do público ou unha tartaruga que pon e enterra os ovos na area da praia, á vez que resolverán en equipo e con enxeño divertidos quebracabezas.

Visitas comentadas ás exposicións
Esta ampla xornada en familia é unha oportunidade única para gozar xuntos do lecer, da diversión e tamén da arte. Por iso, pódese aproveitar para coñecer as exposicións que acolle o Museo Centro Gaiás: Da árbore á cadeira e Flor Novoneyra. Ambas mostras contan con visitas comentadas, ás 12.30 e 17.30 horas, tamén de balde, como todas as actividades de Cidade Imaxinaria.
Como xa vén sendo habitual, A Cantina do Gaiás ofrecerá un servizo de comida con menú do día ao mediodía, ademais de bocatas e hamburguesas durante toda a xornada. Postos con xeados, algodón de azucre ou flocos de millo farán tamén as delicias dos asistentes. A oferta gastronómica complementarase coa presenza de varios foodtrucks nas proximidades do Parque da Balea.

Ademais, Cidade Imaxinaria contará cun servizo de bus urbano especial que sairá cada 40 minutos entre as 14,20 a 21,00 horas da praza de Galicia, que se suma aos horarios habituais dos sábados das liñas 9 e 11. O último bus de baixada desde o Gaiás será ás 21,20 horas.
0 comentario/s
Inserta un comentario
Oito horas de espectáculo, xogos e obradoiros na 'Cidade Imaxinaria'
Nombre  o identifícate
Correo electrónico:
Comentario:
Introduzca código: Capcha
NORMAS DE PARTICIPACIÓN
  • Las opiniones pertenecen única y exclusivamente a los usuarios y no a PORTALDETUCIUDAD.com
  • PORTALDETUCIUDAD.com no se hace responsable de los comentarios que aquí se escriban.
  • PORTALDETUCIUDAD.com se reserva el derecho de eliminar cualquier comentario que esté fuera de lugar.
  • No está permitido escribir comentarios fuera de la legislación vigente española, ni escribir injurias que atenten contra el honor de las personas.
  • También podrá deshabilitar la introducción de mensajes para preservar la imagen y el honor de las personas.
Portaldetuciudad SL, con cif B10448579 y dirección postal Calle Gredos 24 de Cáceres, teléfono 927233244 y email info@portaldetuciudad.com, como responsable del tratamiento de los datos recogidos en este formulario, trata la información que nos facilita con el fin de enviarle información relacionada con productos y servicios por cualquier medio (postal, email o teléfono) e invitarle a eventos organizados por la empresa. La legitimación se realiza a través del consentimiento del interesado. Los datos proporcionados se conservarán mientras no solicite el cese de la actividad.Los datos no se cederán a terceros salvo en los casos en que exista una obligación legal. Usted tiene derecho a obtener confirmación sobre si en Portaldetuciudad SL estamos tratando sus datos personales por tanto, tiene derecho a acceder a sus datos personales, rectificar los datos inexactos o solicitar su supresión cuando los datos ya no sean necesarios para los fines que fueron recogidos. Más información en nuestra política de privacidad.
Cartelera - Cine
El Tiempo
Loterías - Sorteos
Callejero
El tráfico - DGT
empresas
RSS Noticias
Colaboran:
PORTALES DE LA RED PORTALDETUCIUDAD.com
® Todos los derechos reservados - Guía de ocio, empresas, turismo y servicios de tu ciudad.
Web optimizada para una resolución mínima de 1024px y navegadores IE 7.0 y Mozilla 3.0 o superiores.