contact site Map
login Register
Español Valencià Català Gallego Euskera English
Hotel Don Manuel
Search Keyword
Search in:
advertising

Festas do Apóstolo, do 19 ao 21 de xullo

O pregoeiro será o actor compostelán Luís Zahera
FESTAS DO APóSTOLO, DO 19 AO 21 DE XULLO
increase text
decrease text
13 July 2019

As festas do Apóstolo, que este ano se celebrarán do 19 ao 31 de xullo, terán como pregoeiro ao actor compostelán Luís Zahera e contará con artista como Xoel López, Chico César, La Casa Azul ou La M.O.D.A, e con propostas para todos os públicos.


O concelleiro de Festas, Gonzalo Muíños anunciou o pregoeiro co que arrincarán as festas o venres 19 de xullo. Será un compostelán, o actor Luís Zahera, do que recordou o seu salto á fama co personaxe de Petróleo na serie Mareas Vivas, pero tamén a súa prolixa carreira tanto na televisión como no cine, en Galicia e en España. Ademais, lembrou, "vén cun Goya debaixo do brazo, que obtivo como mellor actor de reparto polo filme El Reino". De seguro, concluíu, "nos preparará un pregón cheo de humor e de compostelanismo e nos animará a vivir con intensidade as festas do Apóstolo.

Despois do pregón, a música, no mesmo Obradoiro, poñeraa Zalon Thompson, artista británico coñecido no seu día por ser a voz principal da banda da desaparecida Amy Winehouse e que agora presenta o seu primeiro disco.

Grandes concertos na Quintana 
Repasando a programación, os grandes concertos celebraranse unha vez máis na praza da Quintana, comezando pola mesma noite do pregón, cando actuará Budiño. Outros nomes que pasarán pola Quintana son Xoel López (domingo 21), The Main Squeeze (luns 22), La Casa Azul (martes 23), La M.O.D.A (mércores 24), Leilía e Milladoiro (xoves 25) ou Chico César (domingo 28).

Ademais, o mércores 31 haberá un concerto dedicado ás bandas e artistas galegos, con Banda Crebynsky, Fredi Leis e Holywater; e a do sábado 20 será unha noite dedicada ao beat e a música electrónica.

Tampouco faltarán na Quintana dúas citas que xa son tradicionais: o concerto da Real Filharmonía de Galicia (martes 30) e o da Banda Municipal, que nesta ocasión estará acompañada pola Gallaecia Big Band nun concerto especial o luns 29. Para estes dous concertos haberá que retirar convites na billeteira do Teatro Principal.

Outras citas tradicionais serán o Festival Folk que organiza La Voz de Galicia o venres 26 e, ao día seguinte, as Xornadas de Folclore.

Concertos no Toural e propostas diversas 
Para a Quintana quedan os concertos de gran formato, pero tamén haberá cada día música na praza do Toural. Por aí pasarán Jamila e Rey Montesinos, Kind of Soul, Nunatak, The Tune, Moon Cresta, The Soul Jacket, Phantom Club, Wöyza, Trilitrate, Puerta Sur, Basanta e Lulavai.

Non faltarán as citas tradicionais do Apóstolo, como o Día do Traxe Galego, o torneo de chave, o concurso de ciprínidos, as exhibicións de coches e de traxes de época, o Día de Padrón, as orquestras na Alameda ou as atraccións, que estarán na Alameda ata o 31 de xullo; e tamén outras propostas, en diversos espazos, de música, danza, teatro, deporte, espectáculos infantís, visitas guiadas, circo, etc.

Punto Lila 
O concelleiro destacou que haberá un Punto Lila de información e acompañamento sobre violencias sexuais, a disposición de todas as mulleres que se acheguen á cidade ou participen nos festexos. Estará aberto todos os días dende o 20 ao 31 de xullo, en horario de 12:00 a 13:30 e de 21:00 a 01:30 horas. Ademais, a praza 8 de Marzo terá unha iluminación especial durante as festas, e nesa mesma praza, o luns 29, haberá un festival con Lúa Mosquetera, Dj Russinha e Papaya.

Jamila Purofilin, Rey Montesinos, Leilía e Milladoiro 
Gonzalo Muíños estivo acompañado na rolda de prensa por catro dos protagonistas das festas: Jamila Purofilin e Rey Montesinos, que ofrecerán un concerto na praza do Toural o luns 22; e Montse Rivera, de Leilía, e Xosé V. Ferreirós, de Milladoiro, que estarán no escenario da Quintana o propio día do Apóstolo, o 25 de xullo.

Jamila Purofilin e Rey Montesinos están xirando co seu espectáculo Alma bohemia, no que interpretan pezas ben coñecidas do repertorio musical cubano. Queren celebrar así os 500 anos da cidade de La Habana.

Foi precisamente na capital cubana onde Jamila, residente en Santiago e xa habitual no panorama musical de Compostela, coñeceu a Rey Montesinos, arreglista de Buenavista Social club durante 13 anos e ex director da orquestra do Club Tropicana, e que leva colleitado premios e recoñecementos durante toda a súa carreira.

Pola súa parte, Leilía ofrecerá en Compostela o seu espectáculo CantarELAS, co que celebran o seu 30 aniversario e no que agasallan ao público cun repaso aos seus temas máis emblemáticos mesturándoos con algunhas novidades. Xunto a elas, estará no escenario da Quintana o grupo Milladoiro, que segue a xirar co seu último traballo, Atlántico, pero seguro que no seu concerto tampouco faltarán as súas composicións máis emblemáticas. 
 
0 comment / s
Insert a comment
Festas do Apóstolo, do 19 ao 21 de xullo
name  or Login
Email:
comment:
Enter code: Capcha
RULES OF PARTICIPATION
  • The opinions belong solely to the users and not PORTALDETUCIUDAD.com
  • PORTALDETUCIUDAD.com is not responsible for comments written here.
  • PORTALDETUCIUDAD.com reserves the right to remove any comments that is out of place.
  • It is not allowed to write comments outside the Spanish legislation, or write insults that violate the honor of the people.
  • You can also disable the introduction of posts to preserve the image and honor of individuals.
Portaldetuciudad SL, with cif B10448579 and postal address Calle Gredos 24 de Cáceres, telephone 927233244 and email info@portaldetuciudad.com, as responsible for the processing of the data collected in this form, deals with the information you provide us with the purpose of sending you related information with products and services by any means (postal, email or telephone) and invite you to events organized by the company. The legitimation is made through the consent of the interested party. The data provided will be kept as long as you do not request the cessation of the activity. The data will not be transferred to third parties except in cases where there is a legal obligation. You have the right to obtain confirmation of whether we are processing your personal data at Portaldetuciudad SL, therefore you have the right to access your personal data, correct inaccurate data or request its deletion when the data is no longer necessary for the purposes that were collected. More information in our privacy policy.
I accept the terms of use and Privacy Policy
Cartelera - Cine
El Tiempo
El tráfico - DGT
empresas
RSS Noticias
collaborate:
PORTALDETUCIUDAD.com Network Portal
® All rights reserved - Guide to leisure, business, tourism and services in your city.
Optimized for minimum resolution of 1024px and IE 7.0 and Mozilla 3.0 or higher.