En Santiago loce un gran mural de Murazábal
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

En Santiago loce un gran mural de Murazábal

En Santiago loce un gran mural de Murazábal viernes, 30 de agosto de 2019

Pódese ver na entrada a cidade por Romero Donallo

O artista Joseba Murazábal está a rematar un mural de gran formato na fachada lateral dun edificio da avenida de Romero Donallo. O seu título, "Soledad, a Poppins de Sar", na memoria d unha muller de Compostela.

O seu título, "Soledad, a Poppins de Sar", lembra a unha muller de Compostela, xa falecida, á que o artista coñeceu grazas aos textos da súa neta, a escritora María von Touceda. Lembra a autora compostelá que "Joseba veu a facerlle unhas fotos despois de que ela estivese unha semana dicindo que non. Ao final, pola ilusión da súa neta, accedeu". Logo, a protagonista visitou tamén o taller do artista.

"Joseba plasmouna sucando o ceo e é un acerto por parte do pintor", di María von Touceda, para quen, "en certo modo, esta pintura é como celebrar a súa resurrección". A súa familia leva a Soledad sempre na memoria e "agora temos este mural en Romero Donallo como verdadeiro e único centro de peregrinación neste Santiago de Compostela onde Soledad forxou a súa propia lenda e logo faleceu, deixándonos orfos dos seus superpoderes, a súa sabedoría e a súa ilusión", apunta a escritora sobre a súa avoa.

Cultura urbana entre a mocidade 
A realización desta obra enmárcase nas accións de fomento dos hábitos saudables e prevención do consumo de drogas que desenvolve a UMAD. Máis en concreto, a acción forma parte do programa Compostela Lab, que promove actividades de cultura urbana entre a mocidade.

Estas accións artísticas xorden como alternativa de ocio e de expresión persoal e artística. Ademais, son un modo de intervención sobre o feísmo urbano, creando espazos para a creación cultural. Tamén melloran o valor e a calidade do entorno urbano, sensibilización á mocidade sobre estes aspectos.

Dende os departamento de Mocidade e da UMAD véñense desenvolvendo dende maio obradoiros con mozos e mozas, e realizando outros murais de gran formato coa colaboración de artistas como Novenoel ou Miguel Peralta de Sestola na Cachola, co asesoramento de Mou, do colectivo Mutante Creativo. 
 

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies