Este ano haberá 9.000 prazas para os campamentos de Verán
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

Este ano haberá 9.000 prazas para os campamentos de Verán

A oferta da Xunta inclúe nenos entre os 9 e os 17 anos e unha estadía de entre 8 e 12 días en distintas localizacións

Este ano haberá 9.000 prazas para os campamentos de Verán martes, 8 de marzo de 2016

A Xunta ofertará este ano na Campaña de Verán 2016 arredor de 9.000 prazas cun investimento aproximado de 2.600.000 euros que inclúen campamentos para menores de entre 9 e 17 anos, oferta concertada e campos de traballo para maiores de idade.

A duración dos campamentos varía segundo a idade dos participantes, e oscila entre os 8 e os 12 días. Ademais, contan con temáticas moi diversas para adaptarse a todos os gustos: actividades náuticas, coñecemento do medio natural, dramatización, expresión cultural, xogos tradicionais, deportes de multiaventura ou actividades de voluntariado.
 
Todos os participantes están en réxime de manutención en pensión completa, e inclúese o material necesario para cada actividade, que está dinamizada por un equipo técnico de monitores especialistas na xestión de ocio educativo. Nos campamentos disponse tamén de atención sanitaria de primeiros auxilios e os mozos e mozas están cubertos por un seguro de accidentes e responsabilidade civil.

A Xunta de Galicia conta, na actualidade, con 1.464 menores tutelados (dos cales 918 poderán acollerse a oferta dos campamentos ao ser maiores de 9 anos) e 495 menores en garda (dos que 360 tamén poderán optar ás prazas dos campamentos da Dirección Xeral de Xuventude).
 
 
 

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies