Galicia celebrará por todo o alto ao poeta Manuel María
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

Galicia celebrará por todo o alto ao poeta Manuel María

O homenaxeado nos actos do 17 de Maio, Día das Letras Galegas, destacou por ser un activista da lingua

Galicia celebrará por todo o alto ao poeta Manuel María lunes, 9 de mayo de 2016

A decisión da Real Academia Galega de converter a Manuel María no homenaxeado nos actos do 17 de Maio deste ano suscitou numerosas iniciativas culturais por toda Galicia. Desde a Xunta, tradúcese nunha intensa programación da man da súa fundación.

O secretario xeral de Política Lingüística, Valentín García, abordou a figura e obra do homenaxeado nas Letras Galegas e detallou gran parte desa programación preparada polo goberno autonómico e que se estenderá ao longo do ano.

García recorda ao poeta como "persoa moi amable", "moi próxima e social" que destacaba pola súa "conversa fácil e abondosa". "Deseguido collías confianza con el", destacou García, quen trasladou o seu apego cara ao homenaxeado, malia coñecelo na última etapa da súa vida.
"Tamén lle gustaba tamén moito escoitar e mirar as paisaxes. Era un chairego con moito fundamento, moi galego", valorou o responsable de Política Lingística. Sobre todo, encomiou o seu peso como "referencia de dinamización cultural", o que chamou o 'modelo Neira Vilas'.
"Non só era un bo escritor, ía a todos os sitios que lle chamaban: centros educativos, culturais... arrincaba cara a calquera aldea e falaba con nenos, cun campesiño, un cura... era unha persoa moi sociable e moi próxima".

PARA TODOS OS LECTORES Para Valentín García, esta actitude atopa á súa vez o seu reflexo nunha traxectoria creativa na que escribiu obras "para todo tipo de lectores", tanto con historias de corte infantil como "ensaio e relato". "Abrangue unha chea de idades distintas e é importante, porque noutros autores non pasa isto".

Unha delas é Os soños na gaiola, unha "obra de referencia" non só polo seu papel na "dinamización lingüística" da lingua galega, senón por tratarse dunha peza para "nenos" e "para ler todo o mundo", cun gran efecto no momento da súa edición, en 1968.

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies