Galicia lidera o número de establecementos coa 'Q de Calidade Turística'
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

Galicia lidera o número de establecementos coa 'Q de Calidade Turística'

O 21% dos hoteis de España con esta distinción están na comunidade

Galicia lidera o número de establecementos coa 'Q de Calidade Turística' lunes, 8 de enero de 2018

A Comunidade consolida a súa destacada posición en ámbitos estratéxicos como as instalacións náutico deportivas, casas de turismo rural, turismo industrial, turismo activo, balnearios ou establecementos hoteleiros.

A aposta de Galicia pola excelencia vén de ser recoñecida coa primeira posición a nivel nacional na clasificación das Q de Calidade Turística, distincións concedidas polo Instituto para a Calidade Turística de España. Tras ser segunda durante o 2017, a nosa Comunidade supera a Andalucía ao remate do ano despois de que 27 novos establecementos e servizos se teñan incorporados nestes meses.
 
Con 273 recoñecementos Q de Calidade Turística, o liderado de Galicia é especialmente salientable en instalacións náutico deportivas, as casas de turismo rural, o turismo industrial e o turismo activo, os balnearios e os hoteis. Isto consolida un destino que se distingue polo seu compromiso coa mellora constante e a posta en valor dos seus recursos diferenciadores.
 
En concreto, seis de cada dez instalacións náutico deportivas con Q de Calidade en España están en Galicia, un 63,6%. No turismo rural, a metade dos establecementos de hospedaxe que ostentarán en 2018 este recoñecemento son galegos, un 47%. O mesmo sucede cos servizos e infraestruturas de turismo industrial (46%), do turismo activo (37,5%) e cos balnearios (23%). Case o 20% dos hoteis con Q de Calidade seguirán estando en Galicia este ano, en concreto 71 dos 393 repartidos por España, unha garantía para os viaxeiros.
 

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies