--%>
Español Valencià Català Gallego Euskera English
Noticias de deportes, sociedad, economia, cultura, ciencia y tecnologia en <strong>Santiago de Compostela</strong> Santiago de Compostela

Máis de 60 clubs arroupan hoxe ao Santiago Futsal

Este venres as 21 horas no Multiusos xogan o que pode ser o seu derradeiro partido de non lograr os cartos necesarios para permanecer en Primeira

Máis de 60 clubs arroupan hoxe ao Santiago Futsal viernes, 18 de diciembre de 2015

O Santiago Futsal recibe hoxe a Jaén Paraíso Interior no encontro da 15ª xornada de Liga, encontro que poñerá fin á primeira volta do campionato. Santiagueses e xienenses chegan a este duelo polos postos da zona media da táboa moi igualados.

Hoxe prevese que se viva un gran ambiente no encontro de hoxe coa asistencia de máis de 60 clubs de fútbol sala de Galicia. O acceso para todos eles será gratuíto.

O prezo das entradas será de 10€ Adultos. Os menores de 18 anos accederán de maneira gratuíta.
Onte compareceron en rolda de prensa o técnico do Santiago Futsal, Santi Valladares, e os capitáns do equipo, Diego Quintela, Hugo Sánchez e Marcos Vara.

O xogador Diego Quintela, falou da posibilidade de que o encontro de hoxe sexa o último do equipo na Primeira División "Pode ser que sexa o último e non quero pensalo, pero esa é a realidade. Sei que a día de hoxe é o último partido, porque non hai ningunha solución.”

Hugo Sánchez, segundo capitán do equipo referiuse á situación do club nestes momentos "Sinto moita tristeza. Desde que cheguei aquí inculcáronme uns valores que se arraigaron moi dentro de min, que os levarei sempre comigo e que isto se vaia a acabar dun día para outro me fai sentir unha tremenda tristeza, por todos os nenos, por todos os monitores, pola directiva, polos xogadores e, sendo egoísta, polo meu tamén. Eu estaba aquí moi a gusto e sentíame moi identificado con todo o que pasaba aquí. Facíanme sentir alguén importante, sentía este club como meu, sentía as cores, sentía a camiseta cando a poñía e iso é algo moi difícil de sentir cando te vas fóra da túa casa.”

Por último, o porteiro e terceiro capitán, Marcos Vara sentenciou "Sinceramente a preparación do partido  non está a ser boa. Estamos a facer todo o posible e estamos a adestrar moi ben, non é unha semana mala nin moito menos. Pero estamos preocupados, van pasando os días  e non temos noticias boas, polo que non é unha situación idónea para competir. Se mañá (por hoxe) chegan noticias boas antes do partido, e o pavillón está cheo, o ambiente será moi bo. Pero se chega unha noticia negativa… sairá un bo partido, a pesar de todo. Estou seguro, porque a esixencia individual é bastante alta.”

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies