Máis de trinta concertos encherán Compostela no 'Santiautor 2017'
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

Máis de trinta concertos encherán Compostela no 'Santiautor 2017'

Cabe destacar a presenza de tres grandes nomes da música como Rozalén, Rosana e Funambulista

Máis de trinta concertos encherán Compostela no 'Santiautor 2017' miércoles, 25 de enero de 2017

Entre o 3 de marzo e o 30 de maio, ao abeiro deste ciclo poderemos asistir en Compostela a 32 concertos, tanto de artistas consolidados no panorama musical como de novas promesas.

O alcalde, Martiño Noriega, explicou que o Concello apoia o ciclo de concertos cedendo dous espazos de referencia na cidade, o Auditorio e o Teatro Principal, e tamén coa colaboración de persoal técnico. En concreto, no Auditorio de Galicia actuarán Rozalén e Rosana, e o Teatro Principal será o escenario ao que suban Pedro Guerra, Guadi Galego, Ele e Rosa Cedrón.

O director do Santiautor, Jesús Peón, mostrouse "moi agradecido coa colaboración do Concello, que facilita o primeiro que precisan os artistas: escenarios". Ademais, asegurou que "de seguir esta cooperación, o festival seguirá medrando".

Un Santiautor galego e de mulleres
O director artístico do Santiautor cualificou de "privilexio" poder presentar o cartaz de artistas que participan nesta oitava edición do festival, con tres grandes nomes a destacar: Rozalén, Rosana e Funambulista.

Miguel Lueiro apuntou ademais que se cumpren dous obxectivos: ter un Santiautor cheo de nomes femininos (17 dos 32 concertos serán de artistas mulleres), e cun marcado acento galego (15 artistas do país formarán parte do festival).

Venda de entradas
Toda a programación do Santiautor 2017 está dispoñible na páxina web www.santiautor.gal. Este ano, as entradas para os 32 concertos poderanse comprar a través de Abanca, pero tamén no despacho de billetes do Teatro Principal.

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies