Martes de Contos, en Bonaval
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

Martes de Contos, en Bonaval

Martes de Contos, en Bonaval martes, 4 de agosto de 2020

Celébranse durante o mes de agosto

Os Martes de contos celebraranse no parque de Bonaval os martes ás 18:00 h. Precisan de inscrición previa a partir do xoves anterior a cada contada en reservas.gal. Cómpre acudir con máscara e cunha mantiña para sentar no chan.

As actividades do Apego continúan durante o mes de agosto, pero desta volta saen ao aire libre. Para seguir favorecendo un espazo e un tempo de encontro entre familias interesadas na crianza en galego e para ofrecer propostas de contido cultural para o lecer infantil en galego, póñense en marcha os Martes de contos no parque.

A programación é a seguinte:

- 4 de agosto: "Bailar nas nubes", con Sole Felloza (de 0 a 6 anos). Unha nena soña con bailar coas nubes mais, a súa casa está pegadiña á terra e moi, moi lonxe do ceo!

- 11 de agosto: "Elas tres (a nai, a nena, a bruxa) e moitas outras", con Paula Carballeira (de 0 a 6 anos). Unha nena é a protagonista da súa historia. Nada máis sinxelo. Nada máis difícil.

- 18 de agosto. "Contos a pé de rúa", con Caxoto (de 0 a 6 anos). Un particular varredor municipal chega á praza para realizar a súa función co mellor dos ánimos...

- 25 de agosto. "As lembranzas de Carolina", con Isa Herrero e Raquel López Cendán (de 2 a 7 anos). Carolina é unha galiña que ten as cousas claras desde pequena, de feito case o primeiro que fixo, foi cambiar o nome.

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies