Futsal en foto de arquivo
jueves, 10 de diciembre de 2015
O alcalde de Santiago recibiu onte ao presidente do Santiago Futsal, Ramón García, para coñecer de primeira man a delicada situación económica pola que atravesa o equipo. De non reunir 150.000 euros o equipo xogará o seu último partido o venres 18.
O alcalde agradeceu o traballo que a actual xunta directiva do Futsal leva desenvolvendo nos últimos catro anos, "para mudar unha situación que era límite". Martiño Noriega sinalou a vontade do Concello de colaborar co club "facendo unha chamada a buscar a participación da iniciativa privada para garantir a supervivencia do Santiago Futsal, non só agora, senón dunha maneira estable e a longo prazo".
En canto á implicación municipal, o rexedor lembrou que o club recibe unha subvención nominativa de 90.000 euros, das máis altas que concede o Concello, "como recoñecemento a un modelo diferenciado no que, ademais de competir na elite, se manteñen as categorías inferiores e se fai canteira".
