miércoles, 21 de enero de 2026
O Espazo Educativo e de Lecer María Miramontes acolle os días 16 e 18 de febreiro en horario de 7.45 a 15.00 horas. unha nova edición do programa Vacaludos Entroido, con actividades lúdicas dirixidas a nenas e nenos de 3 a 12 anos.
O Espazo Educativo e de Lecer María Miramontes acolle os días 16 e 18 de febreiro en horario de 7.45 a 15.00 horas. unha nova edición do programa Vacaludos Entroido, con actividades lúdicas dirixidas a nenas e nenos de 3 a 12 anos e co obxectivo de facilitar a conciliación das familias compostelás nestes días non lectivos.
As familias solicitantes de praza recibirán este luns unha comunicación mediante correo electrónico informando sobre a súa aceptación. A continuación ábrese o período de confirmación de prazas do 22 ao 27 de xaneiro, e a inscrición dende o día 28.
As inscrición do programa Vacaludos son de balde e as persoas interesadas deben estar dadas de alta no servizo e cubrir o formulario de solicitude nos tempos establecidos. O procedemento de alta está aberto os 12 meses do ano, o centro non tramitará altas nos períodos de solicitudes de praza. Para participar é preciso ter o padrón ou ben a matrícula nun centro de ensino no municipio de Santiago.
Vacaludos conta con 73 prazas no Espazo Educativo e de Lecer María Miramontes (Ludoteca das Fontiñas) situado na Rúa Fontes do Sar número 3. Dispón dunha superficie útil de 730 m2, dividida en dúas plantas.
O programa unha finalidade lúdica, socioeducativa, cívica, cultural e inclusiva, cun proxecto cuxo obxectivo principal é garantir o dereito da rapazada ao xogo e a colaborar, así, no seu desenvolvemento integral, polo que está equipado cun fondo organizado de xogos, xoguetes, libros e outros elementos lúdicos adecuados á súa idade.
