Persoas maiores de Santiago revitalízanse a través do teatro
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

Persoas maiores de Santiago revitalízanse a través do teatro

Este domingo representarán no Teatro Principal a obra 'Don Juan' as 18.30 horas e as entradas son de balde

Persoas maiores de Santiago revitalízanse a través do teatroA concelleira de Políticas Sociais, xunto con actores viernes, 12 de febrero de 2016

A concelleira de Políticas Sociais, Concha Fernández, presentou onte en rolda de prensa a obra de teatro Don Juan, que o grupo Voadora Teatro representará o domingo 14 de febreiro, ás 18:30 horas, no Teatro Principal.

Concha Fernández estivo acompañada pola directora da peza, Marta Pazos, por dous dos seus actores, Lourdes Santos e Xesús Sordo, que se amosaron "encantados" de ter participado deste proxecto, enmarcado dentro do Programa de Envellecemento Activo do Concello de Santiago.

Trátase dun proxecto "moi especial, que se marca tres obxectivos: un artístico, un social e un de visibilización das persoas maiores, rompendo os estereotipos existentes". Con estas tres premisas, a directora da obra, Marta Pazos, decidiu elixir o Don Juan de Molière como base para a peza teatral.

Concha Fernández aproveitou a ocasión para "animar a todos e todas a que asistan este domingo ao Teatro Principal a partir das 18:30 horas, xa que se trata dun proxecto que quere xerar oportunidades para homes e mulleres maiores como forma de revitalizarse".

Na obra participan 8 homes e 16 mulleres que estiveron a traballar 15 horas á semana durante 3 semanas. As entradas son de balde e poden recollerse na billeteira do Teatro Principal ata un máximo de dúas por persoa.

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies