Ti controlas, ti decides, campaña da Policía entre os estudantes
Español Valencià Català Gallego Euskera English
Noticias de actualidad y ultima hora. Noticias locales y regionales en <strong>Santiago de Compostela</strong> Santiago de Compostela

Ti controlas, ti decides, campaña da Policía entre os estudantes

Trátase de que tomen conciencia da importancia dunha conducción responsable

Ti controlas, ti decides, campaña da Policía entre os estudantes viernes, 17 de enero de 2020

"Ti controlas, ti decides" é o lema da campaña que o Departamento de Educación Viaria da Policía Local está levando ás aulas 1º de Bacharelato dos institutos da cidade durante este mes de xaneiro.

"Ti controlas, ti decides" é o lema da campaña que o Departamento de Educación Viaria da Policía Local está levando ás aulas 1º de Bacharelato dos institutos da cidade durante este mes de xaneiro. A actividade está deseñada especificamente para estes mozos e mozas, próximos/as á idade de obtención do carné de conducir, proporcionándolles información de primeira man sobre as causas polas que se producen os accidentes de tráfico, os factores que interveñen e as súas consecuencias.
Mediante esta actividade, os/as alumnos/as toman conciencia do que, como condutores/as, poden facer para que se reduza o número de falecidos na estrada. Por exemplo, preténdese sensibilizar aos mozos e mozas sobre a utilización do cinto de seguridade, percibíndoo como un elemento que salva vidas, e non como como un instrumento para evitar unha multa.

Outra das condutas que se fomentan é o imprescindible uso do casco ao ir en moto, ciclomotor ou bicicleta. Tamén se tratan o uso do teléfono móbil ao voante como unha das distraccións máis relevantes para a accidentalidade, ou a incompatibilidade do alcohol e as drogas coa condución.

Testemuños reais 
Estas e outras cuestións abórdanse a través das emocións, con testemuños reais de persoas que se atopan en prisión tras ter un accidente de tráfico cando conducían baixo os efectos do alcohol, con consecuencias mortais, e doutras que, polo mesmo motivo, se atopan en cadeira de rodas tras coller o vehículo despois dunha noite de excesos. En definitiva, nestas sesións nos institutos, o alumnado coñece as consecuencias penais, administrativas e persoais para alguén que conduce despois de ter consumido alcohol ou drogas e provocado un accidente de tráfico.

Os axentes do Departamento de Educación Viaria realizan esta formación dun modo práctico e ameno. Así, explícaselles como se realizan os test de alcohol e drogas, proban gafas que simulan os efectos do alcohol e das drogas nunha persoa, ou ven un vídeo realizado pola Policía Local de Santiago en colaboración cos Bombeiros e o 061, no que se reflicte o que ocorre moitos fins de semana cando un grupo de mozos/as saen de festa e se mestura o alcohol, a condución, o exceso de velocidade, a distracción na condución, a non utilización do cinto….

Colaboran:Concello de SantiagoAsociación Hostelería de Santiago y ComarcaXunta de Galicia
PORTALES DE LA RED PORTALDETUCIUDAD.com
Condiciones de uso - Política de privacidad - Política de cookies